ҚКО клиника- диагностикалық зертхана жабдықтарының тізімі:

  • «Архитект-i2000» иммунофлюоресцентті автоматты анализатор;
  • «Радиометр ABL-800» қан газдары және электролиттердің автоматты анализаторы;
  • “Cobas 400” автоматты биохимиялық анализатор Roche;
  • “Cobas 111” автоматты биохимиялық анализатор,Roche;
  • АСТ 200 Plus қан ұйығыштығының автоматты таймері;
  • HMS қан ұйығыштығының автоматты таймері (АҚШ);
  • “Sysmex KX 21”, «Sismex XP-300» автоматты гематологиялық анализаторлар;
  • «Pathfas» шағын өлшемді иммунохимиялық анализатор;
  • «Easylyte Calcicum» электролиттер анализаторы;
  • " ВА-400 " және "А-15 " автоматты биохимиялық анализатор;
  • «Olympus” айыру қабілеті жоғары микроскоп, монитордан бейнені көрсететін микроскоп.

Зерттеудің арнайы әдістері

Ферритин - бұл белок, оның үлкен концентрациясы мида, бауыр мен көкбауырда шоғырланған. Сонымен қатар, ол қан плазмасында бар, сондықтан қан талдамасы ағзадағы темір концентрациясындағы өзгерістерді нақты анықтай алады. Темір мен ферритиннің арасында тікелей байланыс бар. Талдама жасау үшін көрсетілімдер: анемияға күдік болғанда, ағзадағы темір қорының жағдайын бағалау, созылмалы инфекциялық аурулар, қатерлі ісік болған жағдайларда.

BNP (жүрекшелік натрийуретитті пептид) - пептидті гормон, кардиомиоцит сөлі және қуатты тамыр кеңейткіш болып табылады. Сулы-электролит алмасуын және май тіндерінің метаболизмін реттеуге қатысады, қан қысымының көтерілуіне жауап ретінде жүрекшенің бұлшықет жасушыларында синтезделеді.

Д-димер - бұл фибринді ыдырататын өнім, қан ұйығы бұзылғаннан кейін қанда болатын белоктың кішігірім фрагменті. 1990 жылдары пайда болған сәтінен бастап Д-димер тест қан ұйығының бұзылуына күдігі бар пациенттер үшін маңызды зерттеу болып табылады. Сонымен қатар, кері нәтиже ретінде қан ұйығын жоққа шығарады, оң нәтиже қан ұйығы және басқа да себептерден болуы мүмкін. Д-димер талдамасы терең күре тамырдың, өкпе тромболэмболиясы, немесе ДВС – синдромында қан ұйығына күдік кезінде қолданылады.

Липидті профиль – ағзаның май алмасуындағы бұзылыстарды анықтауға мүмкіндік беретін қан талдамасы, бұл - атеросклероз диагностикасында үлкен маңызға ие. Липидті профиль көрсетілімдері:

  • Холестерин – қанның негізгі липиді. Жалпы холестерин саны липидті алмасу бойынша маңызды көрсеткіштерінің бірі және атеросклероз дамуының қатерін жанама көрсетеді.
  • Төменгі тығыздықтағы липопротеиндер (ЛПНП) - ең атерогенді, липидтердің "зиянды" фракциясы. ЛПНП холестериндерге өте бай, оларды тамыр жасушаларына жеткізіп, атеросклеротикалық түйін жасайды да сонда тоқталады. 3. Жоғары тығыздықтағы липопротеиндер (ЛПВП) – тамырларда атеросклеротикалық түйіндердің пайда болуына кедергі жасайтын жалғыз липид фракциясы (сондықтан жоғары тығыздықтағы липопротеиндерді де "жақсы" холестерин деп атайды), ЛПВП антиатерогенді әрекеті бауырға холестеринді тасу қабілетімен шарттасқан, ол бауырда пайдаға асып, ағзадан шығарылады.
  • Триглицеридтер – қан плазмасындағы бейтарап майлар.
  • Атерогендік коэффициент (атерогендік индекс) - липидтердің атерогенді (зиянды) және антиатерогенді (жақсы) фракцияларының арақатынасын сипаттайтын көрсеткіш.

2016 жылдан бері зерттеу желісіне жаңа көрсеткіш - High Sensitive Troponin (сезімталдылығы жоғары тропонин) енгізілді.

Қан құрамындағы тропонин талдамасы миокард инфарктын қоса, әртүрлі жүрек ауруларына тест ретінде қолданылуы мүмкін.

Қандағы жүрек тропонині концентрациясы ұстамадан кейін 3-4 сағаттан соң жоғарылайды және екі аптаға дейін қан арнасында қалады. Сонымен, тропониндер инфарктты тез анықтауға мүмкіндік береді. Олар басқа жүрек маркерлері қанындағы концентрация нормаға келген кезде де, кеш жиагностика жасалған кезде де жарамды. Демек, қандай да бір себептермен науқас уақтылы ауруханаға түспеген жағдайдың өзінде де миокард инфарктына дәл диагностика жүргізу мүмкіндігі бар. Сонымен қатар, тропонин концентрациясын біле отырып, тек инфарктқа ғана емес, оның пайда болу қатерін болжауды жоғары сенімділікпен диагностикалауға, әрі инфаркт алған науқастың тірі қалу мүмкіндігін бағалауға болады.

Қандағы тропонинді бір реттік анықтау нақты диагноз қою үшін әрқашан да жеткілікті бола бермейді. Тропонинді өлшеудің кері нәтижесі инфарктың жоқтығына кепілдік бермейді. Лайықты клиника жасаған кезде, бірінші талдамадан кейін 6 сағаттан немесе 2-4 сағаттан соң тропонин концентрациясына бірқатар өлшеулер жасалуы тиіс. Тек барлық өлшемдер кері болғанда да ғана миокард инфарктының жоқтығы туралы сеніммен айтуға болады.